|
1Ipasu-pasu TUHAN Sara bagi si enggo ipadankenNa. 2E maka mehuli me kula Sara, jenari ipupusna sekalak anak dilaki man Abraham kenca ia enggo metua. Anak e tubuh i bas paksa si enggo itentuken Dibata, payo bagi si enggo katakenNa mbarenda. 3Ibahan Abraham gelarna Isak, 4janah enggo kenca waluh wari umurna isunatken Abraham ia, bagi enggo iperentahken Dibata. 5Enggo 100 tahun umur Abraham sanga Isak tubuh. 6Nina Sara, "Enggo ibaba Dibata man bangku keriahen ras pertawan. E maka kasa kai kalak si megisa la banci lang tawa ras aku." 7Nina Sara tole, "Ise ndube si lit ngataken man Abraham maka Sara banci pepinemken? Aminna bage gia enggo kupupus sada anak dilaki man bana kenca ia enggo metua." 8Tambah warina tambah belinna anak e, janah i bas warina ia ngadi minem, ibahan Abraham sada kerja man-man si mbelin. Hagar ras Ismael isuruh lawes 9I bas sada wari, Ismael anak Abraham si ipupus Hagar, kalak Mesir e, main-main ras Isak anak Sara. 10Iidah Sara kalak enda, e maka nina man Abraham, "Suruh budak e lawes ras anakna. Anakna e, la banci daten tading-tadingenndu si arus ialoken anakku Isak." 11Erkiteken si e gulut ukur Abraham, sabap Ismael pe anakna kang. 12Tapi nina Dibata man Abraham, "Ola aru atendu kerna anak e ras budakndu Hagar. Bahanlah bagi si ikataken Sara man bandu, erkiteken arah Isak nge rehna sinursurndu si enggo Kupadanken e. 13Man anak budak e pe Kubereken nge anak nterem, gelah ia jadi sada bangsa. Sabap ia pe anakndu nge." 14Pepagina, lampas erpagi-pagi ibereken Abraham man Hagar pangan bage pe sada ingan lau si ibahan i bas kuling-kuling nari si dem isina. Ipetembahkenna anak e ku gurung Hagar, jenari isuruhna lawes. E maka lawes Hagar, mampa-mampa ia i bas taneh si mesawang Berseba. 15Kenca enggo keri lau si ibabana ndai, iamparkenna anakna e i teruh batang kayu kitik. 16Ia jine kundul i bas ingan si deban kira-kira 100 meter dauhna. Nina i bas ukurna, "La aku ngasup ngenehen anakku mate." Sanga ia kundul i je mulai me anak e tangis. 17Ibegi Dibata sora anak e tangis, e maka ngerana malekat Dibata i langit nari man Hagar, "Kai kiniseranndu Hagar? Ola mbiar. Enggo ibegi Dibata sora anakndu serko. 18Kekeken, legi lah janah pesinik lah ia sabap Kujadiken pagi kesusurenna jadi sada bangsa si mbelin." 19Kenca bage ipemedakken Dibata mata Hagar, e maka idahna me sada sumur. E maka lawes ia ku sumur e, i isina kuling-kuling ingan lau ndai, jenari iberena minem anakna. 20Dibata nemani anak e, erbelinna ia; ringan ia i taneh mesawang Paran. Ia jadi sekalak perburu si beluh. 21Ibuat nandena sekalak diberu bangsa Mesir man ndeharana. Perpadanen Abraham ras Abimelek 22I bas sada paksa sanga lawes Abimelek ras puanglimana Pikol, nina man Abraham, "Dibata ras kam i bas kerina si idahikenndu. 23E maka ersumpahlah i lebe-lebe Dibata maka la itebu-tebundu aku, anak-anakku, ntah pe kesusurenku. Bagi perbahanenku bujur man bandu, erpadanlah maka kam pe bujur ka nge perbahanenndu man bangku, ras man negeri si iani kam genduari e." 24Nina Abraham, "Erpadan aku." 25Tapi ituriken Abraham keberatenna man Abimelek kerna sumur si irampas suruh-suruhen Abimelek alu paksa. 26Nina Abimelek, "La kueteh ise ngelakokenca e. Kam pe la ngata bangku, janah sekali enda denga nge kubegi kerna si e." 27Jenari ibereken Abraham piga-piga biri-biri ras lembu man Abimelek, e maka erbahan perpadanen kalak enda duana. 28Iserapken Abraham pitu anak biri-biri permakanenna, 29e maka isungkun Abimelek ia nina, "Kai ertina maka iserapkenndu anak biri-biri si pitu e." 30Ijabap Abraham, "Alokenlah anak biri-biri enda pituna. Alu ngaloken si e, kam jadi saksi maka aku nge kalakna si engkali sumur e." 31Erkiteken si e ingan e igelari Berseba sabap i je me kalak enda duana ersumpah. 32Kenca enggo dung ibahanna perpadanen e i Berseba, mulih me Abimelek ras Pikol puanglimana ku negeri kalak Pilisti. 33Jenari isuan Abraham sada batang kayu tamariska i Berseba, jenari nembah ia man TUHAN, Dibata Si Rasa lalap. 34Ndekah Abraham ringan i negeri kalak Pilisti.
Nama Bayi Katolik Terlengkap, Tahun Liturgi Dalam Katolik, Kalender Liturgi Katolik 2026, Renungan Katolik 2025, | Selanjutnya: Kejadin 22 Sebelum: Kejadin 20 All Pustaka Sibadia - Perjanjian Lama: Kejadin 1 / Kejadian 1 Kejadin 2 / Kejadian 2 Kejadin 3 Kejadin 4 Kejadin 5 Kejadin 6 Kejadin 7 Kejadin 8 Kejadin 9 Kejadin 10 Kejadin 11 Kejadin 12 Kejadin 13 Kejadin 14 Kejadin 15 Kejadin 16 Kejadin 17 Kejadin 18 Kejadin 19 Kejadin 20 Kejadin 21 Kejadin 22 Kejadin 23 Kejadin 24 Kejadin 25 Kejadin 26 Kejadin 27 Kejadin 28 Kejadin 29 Kejadin 30 Kejadin 31 Kejadin 32 MASMUR 33 MASMUR 34 MASMUR 35 MASMUR 36 Jesaya 45 Jesaya 46 / Yesaya 46 Jesaya 47 Jeremia 1 / Yeremia 1 Jeremia 2 Jeremia 3 BACAAN ALKITAB SETAHUN:MENU UTAMA:Catatan Penting Tata Ibadah GBKP (Gereja Batak Karo Protestan)(7) Khotbah GBKP 2016(7) Khotbah GBKP 2017(9) LAGU KITAB ENDE-ENDEN GBKP(218) Partitur Lagu Karo(3) Perpulungen Jabu-Jabu (PJJ) 2016(2) Pustaka Sibadia - Perjanjian Baru(22) Pustaka Sibadia - Perjanjian Lama(51) Sermon Khotbah GBKP 2023(2) Sermon Khotbah GBKP 2024(1) Tentang GBKP(5) | Sermon GBKP setiap hari Register Login
Links:
lagu-gereja.com,
bible.,
perkantas,
gbi,
gkii,
gkj,
hkbp,
misa,
gmim,
toraja,
gmit,
gkp,
gkps,
gbkp,
Hillsong,
PlanetShakers,
JPCC Worship,
Symphony Worship,
Bethany Nginden,
Lagu Persekutuan,
|
| popular pages | Register | Login | e-mail: admin@lagu-gereja.com © 2012 . All Rights Reserved. |