lagu-gereja.com/gbkp
Gereja Batak Karo Protestan
View : 1094 kali
Pustaka Sibadia - Perjanjian Lama
Jumat, 14 Oktober 2016

MASMUR 35
Pertoton mindo penampat
1I bas Daud nari.
O TUHAN, lawanlah kalak si ngelawan aku,
peranglah kalak si merang aku.
2Pakelah ampang-ampang ras baju perangNdu,
jenari reh Kam nampati aku.
3Angkatlah lembing ras kapakNdu,
guna ngelawan kalak si ngelis aku.
Kataken min bangku
maka Kam kap keselamatenku.
4Bahanlah maka kalak si ersura-sura munuh aku,
talu dingen juru.
Janah kalak si erpekat munuh aku,
surut dingen bene ukurna.
5Iayak malekat TUHAN ia,
desken segal iembus angin.
6Ielis malekat TUHANlah ia,
i dalan si gelap dingen medalit.
7Alu la ersabap, itogengna siding man bangku,
ikalina lubang si mbages nangkap aku.
8Tapi alu la isangkana, kerneplah ia.
Ia jinelah kena sidingna,
jenari jertuh dingen merteh-erteh!
9E maka ersurak aku kerna TUHAN,
meriah ateku sabap aku ikeliniNa.
10Ningku man TUHAN alu bulat ukurku,
"La lit si terpeseri ras Kam!
IkawaliNdu si la ergegeh i bas si megegeh nari,
si musil-musil i bas si nindihsa nari."
11Kalak jahat nuduh aku dingen ersaksi,
kerna kejahaten si la kueteh pe.
12Kiniulinku ibalasna alu kejahaten,
e maka labuh kal ukurku.
13Tupung ia bangger, kupake baju tanda ate ceda, dingen erpuasa,
jenari janahku tungkuk ertoto aku,
14kutotoken ia bali ras penotokenku kerna senina tah temanku kal.
Tungkuk aku janahku tangis,
bali ras kalak tangis erkiteken kepaten nande.
15Tapi tupung aku i bas kesusahen, meriah ukurna,
jenari ikelewetina aku janahna nguru-nguru aku.
Kalak si la kutandai mekpeki aku,
alu la ngadi-ngadi.
16Tetap megombang ia bangku,
alu ipen erderik ijerlengna aku.
17O TUHAN, asa kai nari dekahna
Kam natap saja?
Pulahi min aku sabap ijerngemna aku,
kelini min geluhku i bas singa-singa e nari.
18E maka kukataken bujur man baNdu itengah-tengah perpulungen bangsaNdu,
kupuji Kam i lebe-lebena kerina.
19Ola pelepas aku iguro-guroken
kalak si ernembeh ate man bangku alu la ersabap.
Ola pelepas aku isuraki,
kalak si ernembeh ate man bangku alu la ersebap.
20Rananna pegabuken,
kalak si ngena atena perdamen icekurakina.
21Alu megang sorana isalahina aku nina,
"Idah kami nge kai si ibahanndu."
22Tapi iidahNdu kap kerina o TUHAN,
ola min tatap Kam ndauh dingen sinik saja.
23Kekeken jenari kapiti min perkarangku!
O Dibatangku, o TUHANku sampati min aku!
24O TUHANku, sabap Kam bujur, kapiti min aku,
ola pelepas aku isuraki imbangku.
25Ola pelepas ia rukur i bas ukurna nina,
"Untung ia mate! Sabap e kin sura-sura kami."
26Bahanlah maka si meriah akapna ngenen kiniseranku,
italuken dingen bene ukurna.
Bahanlah maka kalak si megombang bangku,
juru dingen mela akapna.
27Ersuraklah kalak si mejehe ngidah aku ibenarken,
iulih-ulihinalah ngataken,
"Andiko muliana TUHAN e!
Ngena ateNa adi sangap suruh-suruhenNa".
28E maka kuberitaken kerna keadilenNdu,
dingen kupuji Kam gedang-gedang wari.

Label:   MASMUR / MAZMUR 











Selanjutnya:
MASMUR 36

Sebelum:
MASMUR 34

All Pustaka Sibadia - Perjanjian Lama:
Warta Jemaat

BACAAN ALKITAB SETAHUN:

MENU UTAMA:
Catatan Penting Tata Ibadah GBKP (Gereja Batak Karo Protestan)(7)
Khotbah GBKP 2016(7)
Khotbah GBKP 2017(9)
LAGU KITAB ENDE-ENDEN GBKP(218)
Partitur Lagu Karo(3)
Perpulungen Jabu-Jabu (PJJ) 2016(2)
Pustaka Sibadia - Perjanjian Baru(22)
Pustaka Sibadia - Perjanjian Lama(51)
Sermon Khotbah GBKP 2023(2)
Sermon Khotbah GBKP 2024(1)
Tentang GBKP(5)

Arsip Pustaka Sibadia - Perjanjian Lama..

Sermon GBKP setiap hari
Register   Login  


Sermon Khotbah Minggu GBKP 2024
     popular pages    |   Register    |  Login    | e-mail: admin@lagu-gereja.com   © 2012 . All Rights Reserved.