View : 1464 kali

Warning: include(gene_sub_ketegori.php): failed to open stream: No such file or directory in /var/www/vhosts/murdansianturi.com/lagu-gereja.com/gbkp/gen-htm.php on line 63

Warning: include(gene_sub_ketegori.php): failed to open stream: No such file or directory in /var/www/vhosts/murdansianturi.com/lagu-gereja.com/gbkp/gen-htm.php on line 63

Warning: include(): Failed opening 'gene_sub_ketegori.php' for inclusion (include_path='.:/opt/plesk/php/5.6/share/pear') in /var/www/vhosts/murdansianturi.com/lagu-gereja.com/gbkp/gen-htm.php on line 63

BIMBINGEN PJJ

KUTATANG-TATANG KAM SEH METUA

Nats : Jesaya 46 : 3-4

Pdt. Maria E br Sitepu

-          Penjelasen Teks

Bagin pengogenta bas paksa enda, masuk ibas bagin deutero Yesaya (pasal 40-55), ija bagin enda nuriken uga bangsa Israel sangana ibas pembuangan. Tentuna la banci pungkiri melala kejadin si terjadi sangana bangsa Israel ibas pembuangan. Salah sada hal si terjadi eme si teridah ibas bahannta enda, eme bangsa Israel mulai nembah man dibata-dibata sideban emakana ibas bahan enda, nabi Jesaya cidahken man kalak Israel uga kin situhunna dibata-dibata sideban e ntah pe gana-gana adi ibandingken ras Dibata kalak Israel.

Ayat 1 ras 2

Jesaya cidahken uga dibata-dibata sideban e nai isembah gundari erkiteken nggo talu bangsa babil ibaba-baba ntah pe iselamatken lanai banci ia nelamatken dirina sisada.

Adi Dibata bangsa Israel

Ayat 3 ras 4

Bagin enda mereken gambaren uga Dibata bangsa Israel si tetap mperdiateken bangsana mulai tangtangna nai seh ngasa gundari. Dibata nu Israel la pernah nadingken bangsana aminna pe nggo metua. (gambaren metua ntah pe ubanen enda situhunna banci iartiken jelma si nggo lanai lit gunana, erkiteken biasana kalak si nggo metua lanai produktif. Tapi Dibata labo memandang sie kerina. adi nggo iembahna maka seh katawari paksa pe tetap ikelinina.)

Bagin ayat 4 tentuna berhubungen ras ayat 5-7, ija teridah kepeken dibata-dibata bangsa babil itepa labo ia nepa, tapi Dibata bangsa Israel ia nepa kerina manusia, emakana jadi sada tanggung jawabNa guna natang-natang manusia si itepana e.

Emakana ibas ayat 8-13 e jadi sada teguran man kalak Israel gelah bertobat erkiteken ia nggo nembah man dibata-dibata sideban si situhunna la mereken keterkelinen. Bahkan maba kerugian nandangi bangsa Israel.  

-          Aplikasi

Emaka tangkas kal bahanta enda, cidahken uga Dibata si tetap njagai, nemani bangsana (kita) mulai kita ibas bertin nari seh kita nggo metua. Janji sibereken Dibata enda pe la perlu siraguken, erkiteken Dibata la pernah berubah, kai sikataken pasti idalankenna.

Rikutken si e kerina ibas ulang tahun Lansia ibas tanggal 01 Oktober enda, kita ipindo gelah banci :

1.      Selaku perpulungen gelah si perdiateken lansianta si lit itengah-tengah perpulungen. Erkiteken adi kin kita anak-anak Dibata kita la banci erpilihen guna ngelai perpulungen, ise pe ia, produktif ntah la produktif tetap harus siperdiateken. Intina pelayanan la nandai usia rsdna, kerina kalak si membutuhken pelayanen harus silayani.

2.      Selaku Lansia, melala ibas lansia erpengakap ibas kinituaan enda, nggo lanai lit si mperdiateken ia. Inget sada hal apai siakap sedap iperdiateken manusia ntah pe Dibata ? ibas bahannta tangkas kal nina Dibata ijagana kita seh metua. Kai kebiarenndu ?

Harus siinget rusur Dibata la pernah erndobah nandangi anak-anakna ras Dibata la pernah ngingkari kai si nggo padankenna. Gundari penungkunenna man kita, tek kita ntah lang.