View : 1755 kali

1Napassakkemi Puang Matua tu Nuh sola tu mai anakna, anNa ma'kada lako Nakua: Membati'komi sia memba'ka'komi sia ponnoi tu lino. 2La mataku' sia tiramban lako kalemi tu mintu' olo'-olo' lan lino sia mintu' manuk-manuk dao langi'; anggenna mendonglo'na lan lino sia mintu' bale lan tasik, mintu'nato Kusorong tama limammi. 3Mintu'na olo'-olo' menono', tu kepenaanna, iamo la kandemi, mintu'na Kuben nasangkomi, susi dukato tu mintu' tananan maluna. 4Apa iatu duku' sola sumanga'na iamotu rarana da mikandei. 5Tonganna tongan kumua iatu rarami la Kupembalaran, la Kupembalaran lako mintu' olo'-olo' sia lako duka tolino, lako mintu' tolino la Kupembalaran rarana padanna tolino: la Kupembalaran tu sunga'na tolino. 6Minda-minda umpatibollo rara tolino, la napatibollo duka tolino tu rarana, belanna mangkamo Nakombong Puang Matua tu tolino Napasusi rupanNa. 7Apa iatu kamu la membati'komi sia ma'lelen batik lan lino sia memba'ka'komi lan! BasseNa Puang Matua lako Nuh 8Ma'kadami Puang Matua lako Nuh sia lako tu mai anakna nasolan Nakua: 9Tonganna Akumo tu untanan basseKu lako kalemi sia lako lanto mimi'mi, 10sia mintu' angge menono' tu misolan, tu mai manuk-manuk na mintu' patuoan sia mintu' olo'-olo' marira lan lino tu misolan, tu mintu' olo'-olo' lan lino tassu' lan mai lembang. 11Iamote tu basseKu Kutanan lako kalemi kumua, iatu mintu' menaanna inang tae'mo anna la ussabu'i uai saba' sia la tae'mo uai saba' la ussanggangi lino. 12Ma'kada tu Puang Matua kumua: Iamote tu tanda tasikna basseKu, tu Kutanan lan tangngata patomali sia angge menaa tu misolanna landa' lako disituran-turanni. 13Kupalanmo gaun tu tindak sariraKu, iamo la tanda tasikna basseKu lako lino. 14IangKu popa'lemunni tu gaun, napayan tu tindak sarira lan gaun, 15manassa Kukilalai tu basseKu mangka Kutanan lan tangngata patomali sia angge menaa tu menono'na, kumua inang tae'mo anna la saba' tu uai la ussabu'i tu mintu' angge menono'. 16Iake lanni gaun tu tindak sarira iamo Kutiro la Kunii ungkilalai basse matontongan, tu ditanan lan tangngaNa Puang Matua anna mintu' menaanna tu menono' lan lino. 17Ma'kadami tu Puang Matua lako Nuh kumua: Iamote tu basse mangka Kutanan Kusibassei mintu' kepenaanna lan lino. Diona anakna Nuh 18Iatu mai anakna Nuh tu sun lan mai lembang, iamo Sem, Ham sia Yafet, anna iatu Ham iamotu ambe'na Kanaan. 19Iamora te tau sola tallui tu anakna Nuh sia tau iamora te mai tu nanii sun tau anna tumale' lan mintu' kuli'na padang. 20Iatu Nuh lumbang dipadang anna randuk untanan anggoro' sanginan pa'lak. 21Nairu'mi Nuh tu uai anggoro' anna malango, mamma'mi tang ma'tamangkale lan tendana. 22Natiromi Ham, ambe'na Kanaan tu kama'kambelanganna ambe'na anna lao umpokadanni siulu'na dio salian sola duai. 23Naalami Sem sola Yafet tu sambu' misa' anna bassei dao mai palempengna, namemboko' lumingka ussamboi tu kama'kambelanganna ambe'na, anna mentiro senga', natae' natiroi tu kama'kambelanganna ambe'na. 24Ta'kala namangingaran tu Nuh naissanni tu gau'na anak bongsunna lako kalena. 25Nakuami: Tampak ropu tu Kanaan; nake napokaunan tai manukki mintu' siulu'na. 26Sia nakuapa ma'kada tu Nuh: Mintu'na kapa'pudian lu langngan PUANG, tu Kapenombanna Sem, na iatu Kanaan la napokaunan! 27Puang Matua la umpatumale'i tu Yafet anna torroi tu mai tendana Sem, na iatu Kanaan la napokaunan! 28Talluratu'pa llimangpulo taunna tuo tu Nuh mangkanna sae tu uai saba'. 29Iatu Nuh kasera ratu'na llimangpulo taunna, namane mate.

Perjanjian Allah dengan Nuh 1 Lalu Allah memberkati Nuh dan anak-anaknya serta berfirman kepada mereka: "Beranakcuculah dan bertambah banyaklah serta penuhilah bumi. 2 Akan takut dan akan gentar kepadamu segala binatang di bumi dan segala burung di udara, segala yang bergerak di muka bumi dan segala ikan di laut; ke dalam tanganmulah semuanya itu diserahkan. 3 Segala yang bergerak, yang hidup, akan menjadi makananmu. Aku telah memberikan semuanya itu kepadamu seperti juga tumbuh-tumbuhan hijau. 4 Hanya daging yang masih ada nyawanya, yakni darahnya, janganlah kamu makan. 5 Tetapi mengenai darah kamu, yakni nyawa kamu, Aku akan menuntut balasnya; dari segala binatang Aku akan menuntutnya, dan dari setiap manusia Aku akan menuntut nyawa sesama manusia. 6 Siapa yang menumpahkan darah manusia, darahnya akan tertumpah oleh manusia, sebab Allah membuat manusia itu menurut gambar-Nya sendiri. 7 Dan kamu, beranakcuculah dan bertambah banyak, sehingga tak terbilang jumlahmu di atas bumi, ya, bertambah banyaklah di atasnya." 8 Berfirmanlah Allah kepada Nuh dan kepada anak-anaknya yang bersama-sama dengan dia: 9 "Sesungguhnya Aku mengadakan perjanjian-Ku dengan kamu dan dengan keturunanmu, 10 dan dengan segala makhluk hidup yang bersama-sama dengan kamu: burung-burung, ternak dan binatang-binatang liar di bumi yang bersama-sama dengan kamu, segala yang keluar dari bahtera itu, segala binatang di bumi. 11 Maka Kuadakan perjanjian-Ku dengan kamu, bahwa sejak ini tidak ada yang hidup yang akan dilenyapkan oleh air bah lagi, dan tidak akan ada lagi air bah untuk memusnahkan bumi." 12 Dan Allah berfirman: "Inilah tanda perjanjian yang Kuadakan antara Aku dan kamu serta segala makhluk yang hidup, yang bersama-sama dengan kamu, turun-temurun, untuk selama-lamanya: 13 Busur-Ku Kutaruh di awan, supaya itu menjadi tanda perjanjian antara Aku dan bumi. 14 Apabila kemudian Kudatangkan awan di atas bumi dan busur itu tampak di awan, 15 maka Aku akan mengingat perjanjian-Ku yang telah ada antara Aku dan kamu serta segala makhluk yang hidup, segala yang bernyawa, sehingga segenap air tidak lagi menjadi air bah untuk memusnahkan segala yang hidup. 16 Jika busur itu ada di awan, maka Aku akan melihatnya, sehingga Aku mengingat perjanjian-Ku yang kekal antara Allah dan segala makhluk yang hidup, segala makhluk yang ada di bumi." 17 Berfirmanlah Allah kepada Nuh: "Inilah tanda perjanjian yang Kuadakan antara Aku dan segala makhluk yang ada di bumi." Nuh dan anak-anaknya 18 Anak-anak Nuh yang keluar dari bahtera ialah Sem, Ham dan Yafet; Ham adalah bapa Kanaan. 19 Yang tiga inilah anak-anak Nuh, dan dari mereka inilah tersebar penduduk seluruh bumi. 20 Nuh menjadi petani; dialah yang mula-mula membuat kebun anggur. 21 Setelah ia minum anggur, mabuklah ia dan ia telanjang dalam kemahnya. 22 Maka Ham, bapa Kanaan itu, melihat aurat ayahnya, lalu diceritakannya kepada kedua saudaranya di luar. 23 Sesudah itu Sem dan Yafet mengambil sehelai kain dan membentangkannya pada bahu mereka berdua, lalu mereka berjalan mundur; mereka menutupi aurat ayahnya sambil berpaling muka, sehingga mereka tidak melihat aurat ayahnya. 24 Setelah Nuh sadar dari mabuknya dan mendengar apa yang dilakukan anak bungsunya kepadanya, 25 berkatalah ia: "Terkutuklah Kanaan, hendaklah ia menjadi hamba yang paling hina bagi saudara-saudaranya." 26 Lagi katanya: "Terpujilah TUHAN, Allah Sem, tetapi hendaklah Kanaan menjadi hamba baginya. 27 Allah meluaskan kiranya tempat kediaman Yafet, dan hendaklah ia tinggal dalam kemah-kemah Sem, tetapi hendaklah Kanaan menjadi hamba baginya." 28 Nuh masih hidup tiga ratus lima puluh tahun sesudah air bah. 29 Jadi Nuh mencapai umur sembilan ratus lima puluh tahun, lalu ia mati.