View : 1682 kali

1Undinnato ma'kadami PUANG lako Nuh Nakua: Tamamoko lembang sola mintu' to lan banuammu, belanna ikomo tu Kutiro malambu' dio oloKu tu mintu'na tau attu iate. 2Dio mai mintu' olo'-olo' tang dipemalianna la muala sipitu rundun bali, misa' laki na misa' birang, apa dio mai mintu' olo'-olo' dipemalianna da'duari, misa' laki na misa' birang. 3Sia dio mai manuk-manuk dao lu langi' sipitu rundun bali misa' londong na misa' birang, la umpatumale' bati' lan mintu'na lino. 4Belanna pitung allopa angKu pasae uran tama lino patangpulo allona patangpulo bonginna, na mintu' angge menono' tu mangka Kupadadi la Kusabu'i lan mai lino. 5Napogau'mi Nuh tu mintu' apa Napasan PUANG lako kalena. 6Iatu Nuh annanratu'mo taunna dadinna tonna sae tama lino tu uai saba'. 7Iatu Nuh sola repokna, sia iatu mai bainena anakna mentamami lembang umpallaian kalena dio mai uai saba'. 8Dio mai mintu'na olo'-olo' tang dipemalianna sia dipemalianna sia mintu' manuk-manuk sia mintu' olo'-olo' mendonglo' dao kuli'na padang, 9sae rundun bali, ke sangrupaoi, lako Nuh mentama lembang, misa' lakinna misa' birangna, susitu kadanNa Puang Matua lako Nuh. 10Tonna lendu'mo pitung allo, saemi tu uai saba' tama lino. 11Iamo tonna annanratu'mo taunna dadinna tu Nuh, tonna bulan ma'penduan, allo ma'pessangpulo pitunna, allo ia dukato mintu' kalimbuang lan posi'na tana kumala'dak anna mintu' mata kalimbuang dao langi' tibungka' duka. 12Saemi tu uran kamban tama lino patangpulo allona patangpulo bonginna. 13Allo ia dukamoto anna tama lembang tu Nuh na Sem, Ham na Yafet, anakna Nuh sia bainena Nuh anna bainena anakna sola tallui. 14Iatu tau iato mai sola mintu' olo'-olo' marira situru' a'ganna sia mintu' patuoan situru' a'ganna sia mintu' olo'-olo' mendonglo' lan lino situru' a'ganna sia mintu' manuk-manuk situru' a'ganna, mintu' manuk-manuk pantan laen pani'na. 15Dio mai mintu'na pa'padadi kepenaa sia menono' sae rundun bali tama lembang lako Nuh. 16Iatu mintu'nato sae situang laki situang birang dio mai mintu' pa'padadi susitu Napokadanna Puang Matua lako Nuh. Namane untutu'i PUANG tu lembang. 17Iatu uai saba' patangpulo allona lan lino, anna sakendek-kendekna tu uai, anna aanganni tu lembang diong mai padang. 18Sakapua-puanami tu uai sia sakendek-kendeknamo lan lino, anna unnaang-aang tu lembang dao uai. 19Iatu uai sakapua-puana lan lino, naurunganni mintu' buntu malangka' nasambo langi' naleanni. 20Sangpulo limapa sikunna langngan tu uai, tonna leannimi tu mintu' buntu. 21Namintu' pa'padadi tu menono' lan lino ka'tu sunga'na, la mintu'na manuk-manuk la mintu'na patuoan, la mintu' olo'-olo' marira sia mintu' olo'-olo' mendonglo' lan lino sia mintu' dukato lino. 22Mintu' pa'padadi dao kapadanganna tu denna penaa napotuo lan illongna mate. 23Susimo lalanna dinii ummangsanni tu angge menono' lan te lino, la tolino, la patuoan sia mintu' olo'-olo' mendonglo' sia mintu' manuk-manuk dao lu langi'; mintu'nato dimangsanni lan mai lino, Nuh manna tu tuo sola mintu' to nasolan lan lembang. 24Saratu' limangpulo allona tu uai ponno lan lino.

Air bah 1 Lalu berfirmanlah TUHAN kepada Nuh: "Masuklah ke dalam bahtera itu, engkau dan seisi rumahmu, sebab engkaulah yang Kulihat benar di hadapan-Ku di antara orang zaman ini. 2 Dari segala binatang yang tidak haram haruslah kauambil tujuh pasang, jantan dan betinanya, tetapi dari binatang yang haram satu pasang, jantan dan betinanya; 3 juga dari burung-burung di udara tujuh pasang, jantan dan betina, supaya terpelihara hidup keturunannya di seluruh bumi. 4 Sebab tujuh hari lagi Aku akan menurunkan hujan ke atas bumi empat puluh hari empat puluh malam lamanya, dan Aku akan menghapuskan dari muka bumi segala yang ada, yang Kujadikan itu." 5 Lalu Nuh melakukan segala yang diperintahkan TUHAN kepadanya. 6 Nuh berumur enam ratus tahun, ketika air bah datang meliputi bumi. 7 Masuklah Nuh ke dalam bahtera itu bersama-sama dengan anak-anaknya dan isterinya dan isteri anak-anaknya karena air bah itu. 8 Dari binatang yang tidak haram dan yang haram, dari burung-burung dan dari segala yang merayap di muka bumi, 9 datanglah sepasang mendapatkan Nuh ke dalam bahtera itu, jantan dan betina, seperti yang diperintahkan Allah kepada Nuh. 10 Setelah tujuh hari datanglah air bah meliputi bumi. 11 Pada waktu umur Nuh enam ratus tahun, pada bulan yang kedua, pada hari yang ketujuh belas bulan itu, pada hari itulah terbelah segala mata air samudera raya yang dahsyat dan terbukalah tingkap-tingkap di langit. 12 Dan turunlah hujan lebat meliputi bumi empat puluh hari empat puluh malam lamanya. 13 Pada hari itu juga masuklah Nuh serta Sem, Ham dan Yafet, anak-anak Nuh, dan isteri Nuh, dan ketiga isteri anak-anaknya bersama-sama dengan dia, ke dalam bahtera itu, 14 mereka itu dan segala jenis binatang liar dan segala jenis ternak dan segala jenis binatang melata yang merayap di bumi dan segala jenis burung, yakni segala yang berbulu bersayap; 15 dari segala yang hidup dan bernyawa datanglah sepasang mendapatkan Nuh ke dalam bahtera itu. 16 Dan yang masuk itu adalah jantan dan betina dari segala yang hidup, seperti yang diperintahkan Allah kepada Nuh; lalu TUHAN menutup pintu bahtera itu di belakang Nuh. 17 Empat puluh hari lamanya air bah itu meliputi bumi; air itu naik dan mengangkat bahtera itu, sehingga melampung tinggi dari bumi. 18 Ketika air itu makin bertambah-tambah dan naik dengan hebatnya di atas bumi, terapung-apunglah bahtera itu di muka air. 19 Dan air itu sangat hebatnya bertambah-tambah meliputi bumi, dan ditutupinyalah segala gunung tinggi di seluruh kolong langit, 20 sampai lima belas hasta di atasnya bertambah-tambah air itu, sehingga gunung-gunung ditutupinya. 21 Lalu mati binasalah segala yang hidup, yang bergerak di bumi, burung-burung, ternak dan binatang liar dan segala binatang merayap, yang berkeriapan di bumi, serta semua manusia. 22 Matilah segala yang ada nafas hidup dalam hidungnya, segala yang ada di darat. 23 Demikianlah dihapuskan Allah segala yang ada, segala yang di muka bumi, baik manusia maupun hewan dan binatang melata dan burung-burung di udara, sehingga semuanya itu dihapuskan dari atas bumi; hanya Nuh yang tinggal hidup dan semua yang bersama-sama dengan dia dalam bahtera itu. 24 Dan berkuasalah air itu di atas bumi seratus lima puluh hari lamanya.