View : 1469 kali

1Susimoto tu langi' sola lino sia mintu' issinna mangka dipatepu. 2Iatonna allo ma'pempitu tonNa patepumi Puang Matua tu pengkaranganNa tu mangka Nakarang, Natorroimi tonna allo ma'pempitu ungkarangi tu mintu' pengkarangan mangka Nakarang. 3Napassakkemi Puang Matua tu allo ma'pempitu sia Napamadatu, belanna ia Nanii untorroi ungkarang pekaranganNa tu mangka Nakarang tonNa padadii. 4Susimoto tu ulelean diona tipamulanna langi' sola lino, tonna mangka dipadadi. IatonNa garagai tipamulanna PUANG Kapenomban tu langi' sola lino, 5- anna mintu' kayu dao kuli'na padang tonna tae'pa lan lino sia mintu' tananan dao kuli'na padang tonna tang mentarukpa, belanna tae'pa anNa pasaei PUANG Kapenomban tu uran tama lino sia tae'pa tau la umposara'i tu litak, 6sangadinna kendek tu ambun diong mai padang anna sakka'i tu mintu' kuli'na padang -, 7Nakombongmi PUANG Kapenomban tu tolino dio mai litak, Napamurru'i tama to'tok illongna tu penaa napotuo, susimoto tu tolino mendadi misa' a'gan tuo. Pa'lak Eden 8Nagaragaomi PUANG Kapenomban tu Pa'lak dio Eden, dio rampe matallo, indemoto Napannianni tu tolino mangka Nakombong. 9Indeto dio Nanii PUANG Kapenomban umpatuo ma'rupa-rupa kayu, naporai tau untiroi sia melo la dikande, sia den duka tu kayu katuoan, lan tangnga pa'lak iato, sia kayu kapaissanan diona melo na kadake. 10Dio mai Eden nanii lolong salu la ussakka'i pa'lak iato, indemoto nanii tipa'a'pa' tu salu. 11Iatu salu bunga'na disanga Pison, ussalungku tondok Hawila, tu nanii bu'tu bulaan. 12Iatu bulaanna padang iato matasak tongan, sia den duka dio tu lite busarungngu' sia ake' ido. 13Iatu salu ma'penduanna disanga Gihon, iamo ussalungku tondok Etiopia. 14Iatu salu ma'pentallunna disanga Hidekel, iamo lolong lu tama rampe matallona Asyur, na iatu salu ma'penna'pa'na disanga Efrat. 15Naalami PUANG Kapenomban tu tolino, Napalanni pa'lak Eden, kumua anna posara'i sia anna kampai. 16Ma'kadami PUANG Kapenomban lako tolino Nakua: Iatu buanna mintu' kayu lan te pa'lak, ma'din mukande unturu' pa'poraiammu, 17apa iatu kayu kapaissanan diona melo anna kadake da mukandei, belanna randuk allo iato ke mukandei, la ma'lalan mateko. 18Sia ma'kada tu PUANG Kapenomban susite: Tae' anna melo, ke misa-misa bangri tu tolino. La Kukombongan to umbalii, tu nasangkalammaran. 19Belanna iatonna mangkamo Napadadi PUANG Kapenomban tu mintu'na olo'-olo' dao kapadanganna sia mintu' manuk-manuk dao lu langi' dio mai litak, Napopentingayo nasangmi lako tolino, la Natiro umba nakua tolino la ussangai; umba nasanganni tolino tu mintu' a'gan tuo, susi dukamoto tu sanganna. 20Nasangaimi tolino tu mintu' patuoan sia mintu' manuk-manuk dao lu langi' sia mintu' olo'-olo' dio lu kapadanganna, apa iatu tolino tae' anna appa'i tu to nasibalian tu nasangkalammaran. 21Napamamma' kalupi-lupiammi PUANG Kapenomban tu tolino, anna leppeng Naalami tu usukna sangbamban, Napakemunni duku' tu pangalaian. 22Nakombongmi PUANG Kapenomban misa' baine tu usuk Naala lan mai kalena tolino, Nasolanni lako tolino. 23Nakuami tolino: Buku lu dio pale' mai bukungku sia duku' lu dio mai duku'ku; la disanga baine, belanna diala dio mai muane. 24Iamoto anna la untampe ambe'na sia indo'na tu muane anna la'ka' lako bainena, anna mendadi sangbatang kale sola duai. 25Ma'kale-kale bang sola duai ma'baine tu tolino, apa tae' namasiri'.

1 Demikianlah diselesaikan langit dan bumi dan segala isinya. 2 Ketika Allah pada hari ketujuh telah menyelesaikan pekerjaan yang dibuat-Nya itu, berhentilah Ia pada hari ketujuh dari segala pekerjaan yang telah dibuat-Nya itu. 3 Lalu Allah memberkati hari ketujuh itu dan menguduskannya, karena pada hari itulah Ia berhenti dari segala pekerjaan penciptaan yang telah dibuat-Nya itu. 4 Demikianlah riwayat langit dan bumi pada waktu diciptakan. Ketika TUHAN Allah menjadikan bumi dan langit, -- 5 belum ada semak apapun di bumi, belum timbul tumbuh-tumbuhan apapun di padang, sebab TUHAN Allah belum menurunkan hujan ke bumi, dan belum ada orang untuk mengusahakan tanah itu; 6 tetapi ada kabut naik ke atas dari bumi dan membasahi seluruh permukaan bumi itu-- 7 ketika itulah TUHAN Allah membentuk manusia itu dari debu tanah dan menghembuskan nafas hidup ke dalam hidungnya; demikianlah manusia itu menjadi makhluk yang hidup. Manusia dan taman Eden 8 Selanjutnya TUHAN Allah membuat taman di Eden, di sebelah timur; disitulah ditempatkan-Nya manusia yang dibentuk-Nya itu. 9 Lalu TUHAN Allah menumbuhkan berbagai-bagai pohon dari bumi, yang menarik dan yang baik untuk dimakan buahnya; dan pohon kehidupan di tengah-tengah taman itu, serta pohon pengetahuan tentang yang baik dan yang jahat. 10 Ada suatu sungai mengalir dari Eden untuk membasahi taman itu, dan dari situ sungai itu terbagi menjadi empat cabang. 11 Yang pertama, namanya Pison, yakni yang mengalir mengelilingi seluruh tanah Hawila, tempat emas ada. 12 Dan emas dari negeri itu baik; di sana ada damar bedolah dan batu krisopras. 13 Nama sungai yang kedua ialah Gihon, yakni yang mengalir mengelilingi seluruh tanah Kush. 14 Nama sungai yang ketiga ialah Tigris, yakni yang mengalir di sebelah timur Asyur. Dan sungai yang keempat ialah Efrat. 15 TUHAN Allah mengambil manusia itu dan menempatkannya dalam taman Eden untuk mengusahakan dan memelihara taman itu. 16 Lalu TUHAN Allah memberi perintah ini kepada manusia: "Semua pohon dalam taman ini boleh kaumakan buahnya dengan bebas, 17 tetapi pohon pengetahuan tentang yang baik dan yang jahat itu, janganlah kaumakan buahnya, sebab pada hari engkau memakannya, pastilah engkau mati." 18 TUHAN Allah berfirman: "Tidak baik, kalau manusia itu seorang diri saja. Aku akan menjadikan penolong baginya, yang sepadan dengan dia." 19 Lalu TUHAN Allah membentuk dari tanah segala binatang hutan dan segala burung di udara. Dibawa-Nyalah semuanya kepada manusia itu untuk melihat, bagaimana ia menamainya; dan seperti nama yang diberikan manusia itu kepada tiap-tiap makhluk yang hidup, demikianlah nanti nama makhluk itu. 20 Manusia itu memberi nama kepada segala ternak, kepada burung-burung di udara dan kepada segala binatang hutan, tetapi baginya sendiri ia tidak menjumpai penolong yang sepadan dengan dia. 21 Lalu TUHAN Allah membuat manusia itu tidur nyenyak; ketika ia tidur, TUHAN Allah mengambil salah satu rusuk dari padanya, lalu menutup tempat itu dengan daging. 22 Dan dari rusuk yang diambil TUHAN Allah dari manusia itu, dibangun-Nyalah seorang perempuan, lalu dibawa-Nya kepada manusia itu. 23 Lalu berkatalah manusia itu: "Inilah dia, tulang dari tulangku dan daging dari dagingku. Ia akan dinamai perempuan, sebab ia diambil dari laki-laki." 24 Sebab itu seorang laki-laki akan meninggalkan ayahnya dan ibunya dan bersatu dengan isterinya, sehingga keduanya menjadi satu daging. 25 Mereka keduanya telanjang, manusia dan isterinya itu, tetapi mereka tidak merasa malu.