View : 1729 kali

Kadadianna langi' sola lino 1Iatonna tipamulanna, Napadadii Puang Matua tu langi' sola lino. 2Iatu lino tang tibori'pa sia tae' bangpa apa-apa lan sia misa'pa tasik pidun-pidunan; na iatu PenaanNa Puang Matua sumayo daona lu uai. 3Ma'kadami tu Puang Matua kumua: La den tu masiang. Denmi tu masiang. 4Natiroi Puang Matua tu masiang kumua melo, Napasisarakmi Puang Matua tu masiang na malillin. 5Nasangaimi Puang Matua allo tu masiang, na bongi tu malillin. Tonna mangkato, makaroenmi sia melambi', iamo allo bunga'na to. 6Ma'kadami tu Puang Matua kumua: La den tu batara lan to' tangnga uai, anna pasisarakki tu uai. 7Napadenmi Puang Matua tu batara, anNa pasisarakki tu uai diongna lu sia daona lu; dadimi susito. 8Nasangaimi Puang Matua langi' tu batara. Tonna mangkato makaroenmi sia melambi', iamo allo ma'penduanna to. 9Ma'kadami tu Puang Matua: La ma'misa rokko misa' inan tu mintu' uai nasambo langi', anna sombo tu karangkean. Dadimi susito. 10Nasangaimi Puang Matua kapadanganna tu karangkean sia iatu nanii ma'misa uai Nasanga tasik; Natiroi Puang Matua, kumua melo. 11Ma'kadami tu Puang Matua: Iatu padang la untuoan riu sia tananan kelise' sia kayu membua situru' a'ganna, tu kelise' lanna lu dao kuli'na padang. Dadimi susito. 12Natuoammi padang tu riu sia tananan kelise' situru' a'ganna sia kayu membua, tu kelise' lanna lu situru' a'ganna. Natiroi Puang Matua, kumua melo. 13Tonna mangkato, makaroenmi sia melambi', iamo allo ma'pentallunna to. 14Ma'kadami tu Puang Matua: La den pira-pira apa parrang lan batara dao langi', anna pasisarakki tu allo na bongi sia mendadi tanda sia pentaunan sia umpamanassa allo sia taun, 15sia kumua anna mendadi apa mangarrang lan batara dao langi' la unnarrang lino. Dadimi susito. 16Napadenni Puang Matua da'dua apa parrang kapua, iatu apa parrang tu kapuana la umparenta masiang, na iatu apa parrang tu bitti'na la umparenta bongi, sia mintu' duka bintoen. 17AnNa palanni batara dao langi' Puang Matua la unnarrang lino, 18sia la umparenta allo sia bongi sia la umpasisarak masiang na malillin. Natiroi Puang Matua, kumua melo. 19Tonna mangkato, makaroenmi sia melambi', iamo allo ma'penna'pa'na to. 20Ma'kadami tu Puang Matua: La sibi'tokan lan mintu' to' uai tu ba'tu pira-pira kepenaanna sia la den manuk-manuk sitiaran lan lino sia lan batara dao langi'. 21Napadadimi Puang Matua tu bale kapua sia mintu' olo'-olo' sisayoan, tu sibi'tokan lan to' uai, situru' a'ganna, sia mintu' manuk-manuk kepani' situru' a'ganna. Natiroi Puang Matua, kumua melo. 22Napassakkemi Puang Matua Nakua: Membati' kalle-kalleangkomi sia samemba'ka'-ba'ka'nakomi sia ponnoi tu uai lan tasik, na iatu manuk-manuk la memba'ka' lan lino. 23Tonna mangkato makaroenmi sia melambi', iamo allo ma'pellimanna to. 24Ma'kadami tu Puang Matua kumua: Iatu lino la umpabu'tu panampa kepenaa situru' a'ganna, iamotu patuoan sia olo'-olo' mendonglo' sia iatu mariranna, situru' a'ganna; dadimi susito. 25Napadadimi Puang Matua tu mintu' olo'-olo' marira situru' a'ganna, sia mintu' patuoan situru' a'ganna sia mintu' olo'-olo' mendonglo' dao kuli'na padang situru' a'ganna. Natiromi Puang Matua, kumua melo. 26Ma'kadami tu Puang Matua kumua: Melo ke umpadadiKi' tolino Tapasusi rupanTa, umparundu'i a'ganTa, dikua anna parentai tu mintu' bale lan tasik sia mintu' manuk-manuk dao lu langi' sia mintu' patuoan sia mintu' issinna lino sia mintu' olo'-olo' mendolonglo' tu mendonglo' diong padang. 27Napadadii Puang Matua tu tolino Napasusi rupanNa, Napadadii susi rupanNa Puang Matua; Napadadimi tu muane sia baine. 28Napassakkemi Puang Matua sola duai, Nama'kada lako Nakua: Membati'komi sia memba'ka'komi sia ponnoi te lino, sia taloi sia parentai tu mintu' bale lan tasik sia mintu' manuk-manuk dao lu langi' sia mintu' tu olo'-olo' mendonglo' lan lino. 29Sia Nakua Puang Matua: Tonganna tongan kumua mintu' tananan kelise' narande tana sia mintu' kayu kelise' buanna Kubenmokomi la mikande. 30Apa iatu mintu' olo'-olo' marira lan lino sia mintu' manuk-manuk dao lu langi' sia mintu' olo'-olo' mendonglo' lan lino, tu kepenaanna, Kubenmo tu mintu'na daun-daun maido la nakande. Dadimi susito. 31Natiro Puang Matua tu mintu' apa Napadadi, kumua lendu' tongan melona. Tonna mangkato, makaroenmi sia melambi', iamo allo ma'pennannanna to.

Allah menciptakan langit dan bumi serta isinya 1 Pada mulanya Allah menciptakan langit dan bumi. 2 Bumi belum berbentuk dan kosong; gelap gulita menutupi samudera raya, dan Roh Allah melayang-layang di atas permukaan air. 3 Berfirmanlah Allah: "Jadilah terang." Lalu terang itu jadi. 4 Allah melihat bahwa terang itu baik, lalu dipisahkan-Nyalah terang itu dari gelap. 5 Dan Allah menamai terang itu siang, dan gelap itu malam. Jadilah petang dan jadilah pagi, itulah hari pertama. 6 Berfirmanlah Allah: "Jadilah cakrawala di tengah segala air untuk memisahkan air dari air." 7 Maka Allah menjadikan cakrawala dan Ia memisahkan air yang ada di bawah cakrawala itu dari air yang ada di atasnya. Dan jadilah demikian. 8 Lalu Allah menamai cakrawala itu langit. Jadilah petang dan jadilah pagi, itulah hari kedua. 9 Berfirmanlah Allah: "Hendaklah segala air yang di bawah langit berkumpul pada satu tempat, sehingga kelihatan yang kering." Dan jadilah demikian. 10 Lalu Allah menamai yang kering itu darat, dan kumpulan air itu dinamai-Nya laut. Allah melihat bahwa semuanya itu baik. 11 Berfirmanlah Allah: "Hendaklah tanah menumbuhkan tunas-tunas muda, tumbuh-tumbuhan yang berbiji, segala jenis pohon buah-buahan yang menghasilkan buah yang berbiji, supaya ada tumbuh-tumbuhan di bumi." Dan jadilah demikian. 12 Tanah itu menumbuhkan tunas-tunas muda, segala jenis tumbuh-tumbuhan yang berbiji dan segala jenis pohon-pohonan yang menghasilkan buah yang berbiji. Allah melihat bahwa semuanya itu baik. 13 Jadilah petang dan jadilah pagi, itulah hari ketiga. 14 Berfirmanlah Allah: "Jadilah benda-benda penerang pada cakrawala untuk memisahkan siang dari malam. Biarlah benda-benda penerang itu menjadi tanda yang menunjukkan masa-masa yang tetap dan hari-hari dan tahun-tahun, 15 dan sebagai penerang pada cakrawala biarlah benda-benda itu menerangi bumi." Dan jadilah demikian. 16 Maka Allah menjadikan kedua benda penerang yang besar itu, yakni yang lebih besar untuk menguasai siang dan yang lebih kecil untuk menguasai malam, dan menjadikan juga bintang-bintang. 17 Allah menaruh semuanya itu di cakrawala untuk menerangi bumi, 18 dan untuk menguasai siang dan malam, dan untuk memisahkan terang dari gelap. Allah melihat bahwa semuanya itu baik. 19 Jadilah petang dan jadilah pagi, itulah hari keempat. 20 Berfirmanlah Allah: "Hendaklah dalam air berkeriapan makhluk yang hidup, dan hendaklah burung beterbangan di atas bumi melintasi cakrawala." 21 Maka Allah menciptakan binatang-binatang laut yang besar dan segala jenis makhluk hidup yang bergerak, yang berkeriapan dalam air, dan segala jenis burung yang bersayap. Allah melihat bahwa semuanya itu baik. 22 Lalu Allah memberkati semuanya itu, firman-Nya: "Berkembangbiaklah dan bertambah banyaklah serta penuhilah air dalam laut, dan hendaklah burung-burung di bumi bertambah banyak." 23 Jadilah petang dan jadilah pagi, itulah hari kelima. 24 Berfirmanlah Allah: "Hendaklah bumi mengeluarkan segala jenis makhluk yang hidup, ternak dan binatang melata dan segala jenis binatang liar." Dan jadilah demikian. 25 Allah menjadikan segala jenis binatang liar dan segala jenis ternak dan segala jenis binatang melata di muka bumi. Allah melihat bahwa semuanya itu baik. 26 Berfirmanlah Allah: "Baiklah Kita menjadikan manusia menurut gambar dan rupa Kita, supaya mereka berkuasa atas ikan-ikan di laut dan burung-burung di udara dan atas ternak dan atas seluruh bumi dan atas segala binatang melata yang merayap di bumi." 27 Maka Allah menciptakan manusia itu menurut gambar-Nya, menurut gambar Allah diciptakan-Nya dia; laki-laki dan perempuan diciptakan-Nya mereka. 28 Allah memberkati mereka, lalu Allah berfirman kepada mereka: "Beranakcuculah dan bertambah banyak; penuhilah bumi dan taklukkanlah itu, berkuasalah atas ikan-ikan di laut dan burung-burung di udara dan atas segala binatang yang merayap di bumi." 29 Berfirmanlah Allah: "Lihatlah, Aku memberikan kepadamu segala tumbuh-tumbuhan yang berbiji di seluruh bumi dan segala pohon-pohonan yang buahnya berbiji; itulah akan menjadi makananmu. 30 Tetapi kepada segala binatang di bumi dan segala burung di udara dan segala yang merayap di bumi, yang bernyawa, Kuberikan segala tumbuh-tumbuhan hijau menjadi makanannya." Dan jadilah demikian. 31 Maka Allah melihat segala yang dijadikan-Nya itu, sungguh amat baik. Jadilah petang dan jadilah pagi, itulah hari keenam.