View : 1635 kali

Abram sola Lot 1Tassu'mi tu Abram lan mai tondok Mesir sola bainena sia mintu' tu apa naampui ma'palusau' Padang lo'na lu sisola duka Lot. 2Iatu Abram lendu' ia sugi'na, sugi' patuoan sia salaka sia bulaan. 3Malemi urrundu' lalan dolona lo' mai pollo'na uai melayo dio to' kapelayoan dolona rampo lako Betel, tu, inan bunga' naninna tendana paralla'na Betel anna Ai. 4Rampo lako to' inan pemalaran mangkamo nagaraga tonna dolona; menombami dio tu Abram ussa'bu' sanganNa PUANG. 5Iatu Lot tu male sola Abram, unnampui duka domba, sapi sia tenda. 6Tae' anna alai padang tu tau iato mai, ke torroi sisola, belanna lendu' budanna tu patuoanna, iamoto anna tae' nama'din la torro sola. 7Sia den pissan nabu'tu kasipakkanna mintu'to mangkambi'na Abram anna to mangkambi'na Lot. Iatonna attu iato to Kanaan sia to Feris ma'tondok lan tana iato. 8Ma'kadami tu Abram lako Lot nakua: Da naden kasipakkanta sia kasipakkanna to mangkambi'ta, belanna kita te, to sangdadiangki'. 9Tang nata'pairaka matammu te padang kalua'? Messarakko dio mai kaleku. Iake lu lakoko kairi, lu lakona' kanan, na iake lu lakoko kanan, lu lakona' kairi. 10Nabangunammi Lot tu matanna, natiroi tu mintu' lili'na Yordan, narumpei nasang salu iato sae lako Zoar - tonna tang ussanggangpi PUANG tu tondok Sodom na Gomora -, iamo butung pa'lak PUANG sia butung to tana Mesir. 11Iamoto anna pilei Lot tu lili'na Yordan, nake'de' ma'palulako rampe matallo; sisarakmi sola duai. 12Torromi tu Abram dio tondok Kanaan, apa iatu Lot ma'tondok dio lu tondok Padang, anna osok tendana sae lako Sodom. 13Iatu mintu' pa'tondokan lan Sodom kadakemo gau'na' sia ma'liu alukmo dio oloNa PUANG. 14Tonna mangka sisarak Lot tu Abram, ma'kadami PUANG lako Abram susite: Bangunanni tu matammu, tiroi dio mai to' inan munii bendan rekke ulunna salu, sia sau' pollo'na uai, tama matallo sia rokko matampu'; 15belanna mintu' tu padang mutiro, la Kuba'giangko sia Kuba'gian lanto mimi'mu tontong sae lakona. 16La Kupapada budanna barra'-barra' tu lanto mimi'mu. Iake dikulle umbilangi tu barra'-barra', maneri dikulle umbilangi tu lanto mimi'mu. 17Ke'de'ko ammu lingkai mintu' padang iato dio mai lambe'na sia babana, belanna iamo la Kuba'giangko. 18Napalelemi Abram tu tendana, saemi unnosok tendana dao to' kayu tarpin Mamre, sikandappi' tondok Hebron, nagaragami inde to dio tu misa' inan pemalaran lako PUANG.

Abram dan Lot berpisah 1 Maka pergilah Abram dari Mesir ke Tanah Negeb dengan isterinya dan segala kepunyaannya, dan Lotpun bersama-sama dengan dia. 2 Adapun Abram sangat kaya, banyak ternak, perak dan emasnya. 3 Ia berjalan dari tempat persinggahan ke tempat persinggahan, dari Tanah Negeb sampai dekat Betel, di mana kemahnya mula-mula berdiri, antara Betel dan Ai, 4 ke tempat mezbah yang dibuatnya dahulu di sana; di situlah Abram memanggil nama TUHAN. 5 Juga Lot, yang ikut bersama-sama dengan Abram, mempunyai domba dan lembu dan kemah. 6 Tetapi negeri itu tidak cukup luas bagi mereka untuk diam bersama-sama, sebab harta milik mereka amat banyak, sehingga mereka tidak dapat diam bersama-sama. 7 Karena itu terjadilah perkelahian antara para gembala Abram dan para gembala Lot. Waktu itu orang Kanaan dan orang Feris diam di negeri itu. 8 Maka berkatalah Abram kepada Lot: "Janganlah kiranya ada perkelahian antara aku dan engkau, dan antara para gembalaku dan para gembalamu, sebab kita ini kerabat. 9 Bukankah seluruh negeri ini terbuka untuk engkau? Baiklah pisahkan dirimu dari padaku; jika engkau ke kiri, maka aku ke kanan, jika engkau ke kanan, maka aku ke kiri." 10 Lalu Lot melayangkan pandangnya dan dilihatnyalah, bahwa seluruh Lembah Yordan banyak airnya, seperti taman TUHAN, seperti tanah Mesir, sampai ke Zoar. --Hal itu terjadi sebelum TUHAN memusnahkan Sodom dan Gomora. -- 11 Sebab itu Lot memilih baginya seluruh Lembah Yordan itu, lalu ia berangkat ke sebelah timur dan mereka berpisah. 12 Abram menetap di tanah Kanaan, tetapi Lot menetap di kota-kota Lembah Yordan dan berkemah di dekat Sodom. 13 Adapun orang Sodom sangat jahat dan berdosa terhadap TUHAN. 14 Setelah Lot berpisah dari pada Abram, berfirmanlah TUHAN kepada Abram: "Pandanglah sekelilingmu dan lihatlah dari tempat engkau berdiri itu ke timur dan barat, utara dan selatan, 15 sebab seluruh negeri yang kaulihat itu akan Kuberikan kepadamu dan kepada keturunanmu untuk selama-lamanya. 16 Dan Aku akan menjadikan keturunanmu seperti debu tanah banyaknya, sehingga, jika seandainya ada yang dapat menghitung debu tanah, keturunanmupun akan dapat dihitung juga. 17 Bersiaplah, jalanilah negeri itu menurut panjang dan lebarnya, sebab kepadamulah akan Kuberikan negeri itu." 18 Sesudah itu Abram memindahkan kemahnya dan menetap di dekat pohon-pohon tarbantin di Mamre, dekat Hebron, lalu didirikannyalah mezbah di situ bagi TUHAN.